-
...مشاهد من تنقل الكاميرا بين النوبة القديمة قبل 1964 و البلد الجديدة الان
بوادي كوم امبوا ، الذي اطلق عليه " مركز نصر النوبة "
"
-كاميرا 1 ترصد المشهد في النوبة القديمة , كاميرا 2 ترصد الحدث في البلد الجديدة .
- كاميرا 1 :
كُومبنكش كُومبنكش .. علي صوت الطار اجتمعوا اهل البلد كلها " حلاوة يو ايو حلواني حلاوة يا شربات " كل شوارع البلد رايحة ناحية الاراجيد.
- كاميرا 2:
الوو الله ، الله واحد اتنين تلاتة ،بيجربوا صوت المايك قبل الحفلة ماتبتدي ، والناس في منهم ال نايم في بيته و في المشغول بحلقة المسلسل التركي ، اصل مهند النهاردة هيقول ل لميس انه بيحبها ، وبيت الفرح فاضي مافيهوش غير ست عجوزة بتزاعق للعيال ال دوشوها.
- كاميرا 1:
البنات وقفت في صف طويل جنب بعض ، لابسين احمر واخضر واصفر اصلهم لابسين جلاليب طويلة وعليها كرانيش والطرح علي لون الجلابية او قريب منه ، وقدامهم صفين من الستات ال اكبر منهم في السن وفي الناحية التانية الرجالة لابسين ابيض في ابيض وواقفين في صفوف ، ابتدي الرقص والغناء .
- كاميرا 2:
العروسة ليسة ماجتش ، اصلها في كوم امبوا في الكوافير واتاخرت عشان في عروسة جتقبلها ولازم تخلص بالدور ، وليسة هتروح الاستوديو عشان تتصور ، ويمكن يلفوا شوية بالعربيات وهيوصلوا ع الساعة 2.
- كاميرا 1 :
العريس واقف مع الشباب في الاراجيد وبيشاورولوا ع العروسة ال وصلت من بيت صحبتها ، اصلها كانت بتتذوق هناك ، العروسة احلي من القمر في ليلة البدر ، الاراجيد ابتدي من اول الليل وهيفضلوا،كدة يغنوا ويرقصوا بالطار لحد الفجر .
- كاميرا 2 :
الساعة 2وربع والعريس يدوب جي من كوم امبوا ،والليلة شغاله بقالها ساعه ومافيهاش غير صف واحد بس بيرقصوا ، والناس ابتدت تتجمع لما عرفت ان العريس والعروسة وصلوا ، والناس بترقص علي اغاني مش عارفاها ، شويةيغنوا " لمبادا " وشوية " قصة ريدة بين مسلم ومسيحية" ومعطرالجو عماهم والخناقات كل ربع ساعة توقف الليلة ، اصل في شباب صعايدة واقفين وراصفوف البنات والشباب بيتخاتقوا معاهم.
- كاميرا 1 :
الفجر قرب يطلع ، والاراجيد خلاص اتحرك من مكانه وبيزف العريس والعروسة لبيت العروسة وبعد ما انتهت الزفة دعوهلهم ان ربنايوفقهم ف حياتهم ، ودعوا للنوبة ال جمعتهم وفرحتهم .
- كاميرا 2 :
الساعة بقت 5 الفجر والناس تعبت من الرقص علي الاغاني السريعة ، والعربيات وصلت عشان تزف العريس والعروسة في الشارع ال وراهم! ، وبعد الحفلة ماخلصت الناس دعت للعريس والعروسة ودعت علي صوت السماعات ال كانت عالية وخرمت ودانهم والشباب ال خربولهم الليلة ، وابو العريس منسيش يدعي علي الفنان ال اخد 5000 جنيه عشان يغني اعلانات بسكويت, وانتهت ليلتهم ...
- ...وانا دعيت علي عبد الناصر والثورة والقومية العريية ال حرمت اجيال كتيرة من الاراجيد والغنا..والفن النوبي الحقيقي .
بوادي كوم امبوا ، الذي اطلق عليه " مركز نصر النوبة "
"
-كاميرا 1 ترصد المشهد في النوبة القديمة , كاميرا 2 ترصد الحدث في البلد الجديدة .
- كاميرا 1 :
كُومبنكش كُومبنكش .. علي صوت الطار اجتمعوا اهل البلد كلها " حلاوة يو ايو حلواني حلاوة يا شربات " كل شوارع البلد رايحة ناحية الاراجيد.
- كاميرا 2:
الوو الله ، الله واحد اتنين تلاتة ،بيجربوا صوت المايك قبل الحفلة ماتبتدي ، والناس في منهم ال نايم في بيته و في المشغول بحلقة المسلسل التركي ، اصل مهند النهاردة هيقول ل لميس انه بيحبها ، وبيت الفرح فاضي مافيهوش غير ست عجوزة بتزاعق للعيال ال دوشوها.
- كاميرا 1:
البنات وقفت في صف طويل جنب بعض ، لابسين احمر واخضر واصفر اصلهم لابسين جلاليب طويلة وعليها كرانيش والطرح علي لون الجلابية او قريب منه ، وقدامهم صفين من الستات ال اكبر منهم في السن وفي الناحية التانية الرجالة لابسين ابيض في ابيض وواقفين في صفوف ، ابتدي الرقص والغناء .
- كاميرا 2:
العروسة ليسة ماجتش ، اصلها في كوم امبوا في الكوافير واتاخرت عشان في عروسة جتقبلها ولازم تخلص بالدور ، وليسة هتروح الاستوديو عشان تتصور ، ويمكن يلفوا شوية بالعربيات وهيوصلوا ع الساعة 2.
- كاميرا 1 :
العريس واقف مع الشباب في الاراجيد وبيشاورولوا ع العروسة ال وصلت من بيت صحبتها ، اصلها كانت بتتذوق هناك ، العروسة احلي من القمر في ليلة البدر ، الاراجيد ابتدي من اول الليل وهيفضلوا،كدة يغنوا ويرقصوا بالطار لحد الفجر .
- كاميرا 2 :
الساعة 2وربع والعريس يدوب جي من كوم امبوا ،والليلة شغاله بقالها ساعه ومافيهاش غير صف واحد بس بيرقصوا ، والناس ابتدت تتجمع لما عرفت ان العريس والعروسة وصلوا ، والناس بترقص علي اغاني مش عارفاها ، شويةيغنوا " لمبادا " وشوية " قصة ريدة بين مسلم ومسيحية" ومعطرالجو عماهم والخناقات كل ربع ساعة توقف الليلة ، اصل في شباب صعايدة واقفين وراصفوف البنات والشباب بيتخاتقوا معاهم.
- كاميرا 1 :
الفجر قرب يطلع ، والاراجيد خلاص اتحرك من مكانه وبيزف العريس والعروسة لبيت العروسة وبعد ما انتهت الزفة دعوهلهم ان ربنايوفقهم ف حياتهم ، ودعوا للنوبة ال جمعتهم وفرحتهم .
- كاميرا 2 :
الساعة بقت 5 الفجر والناس تعبت من الرقص علي الاغاني السريعة ، والعربيات وصلت عشان تزف العريس والعروسة في الشارع ال وراهم! ، وبعد الحفلة ماخلصت الناس دعت للعريس والعروسة ودعت علي صوت السماعات ال كانت عالية وخرمت ودانهم والشباب ال خربولهم الليلة ، وابو العريس منسيش يدعي علي الفنان ال اخد 5000 جنيه عشان يغني اعلانات بسكويت, وانتهت ليلتهم ...
- ...وانا دعيت علي عبد الناصر والثورة والقومية العريية ال حرمت اجيال كتيرة من الاراجيد والغنا..والفن النوبي الحقيقي .
ليست هناك تعليقات:
إرسال تعليق